Ministria siriane e Mbrojtjes dhe Administrata e Përgjithshme e Sigurisë të shtunën rifituan kontrollin mbi shumicën e zonave që ishin destabilizuar ditët e fundit nga forcat besnike të ish-liderit të rrëzuar Bashar Assad, sipas raporteve të mediave zyrtare.
Në koordinim me Administratën e Përgjithshme të Sigurisë, ministria ka mbyllur rrugët që të çojnë në rajonin e trazuar bregdetar “për të ruajtur rendin, për të parandaluar shkeljet e mëtejshme dhe për të siguruar kthimin gradual të stabilitetit”, thuhet sipas burimit.
Për më tepër, një burim i Administratës së Përgjithshme të Sigurisë i tha SANA-s se mbi 200 automjete të vjedhura janë gjetur nè qytetin Jableh në provincën bregdetare të Latakias dhe zonat përreth.
Burimi konfirmoi gjithashtu se “një numër i konsiderueshëm grabitësish” janë arrestuar.
Marrë nga Balkanweb.com
