Më shumë se 600 sirianë kanë vdekur në përleshjet e përgjakshme pasi dhuna shpërtheu sërish midis mbështetësve të sundimtarëve të rinj të vendit të përfshirë nga konflikti dhe besnikëve të presidentit të rrëzuar Bashar al Assad.
Përleshjet e dhunshme, të cilat shpërthyen të enjten, janë disa nga më vdekjeprurëset që nga fillimi i konfliktit në Siri 14 vjet më parë dhe shënuan një përshkallëzim të madh në sfidën ndaj qeverisë së re në Damask, tre muaj pasi kryengritësit morën autoritetin pas largimit të Asadit nga pushteti.
Vrasjet hakmarrëse që filluan nga persona të armatosur myslimanë sunitë besnikë ndaj qeverisë kundër anëtarëve të sektit pakicë alavit të Asadit janë një goditje e madhe për Hayat Tahrir al-Sham, fraksioni që udhëhoqi përmbysjen e qeverisë së mëparshme.
Banorët e Baniyas, një nga qytetet më të goditura nga dhuna, thanë se kufomat u shpërndanë në rrugë ose u lanë të pavarrosur në shtëpi dhe në çatitë e ndërtesave dhe askush nuk ishte në gjendje t’i mblidhte.
Një dëshmitar tha se personat e armatosur i penguan banorët për orë të tëra që të hiqnin trupat e pesë fqinjëve të tyre të vrarë të premten nga afër.
“Ata i zbritën me forcë njerëzit në rrugë, pastaj i rreshtuan dhe filluan t’i qëllojnë”, tha një banor i Baniyasin.
Marrë nga Sky News
