Ish-presidenti i Bolivisë, Evo Morales, që ka shërbyer në vitet 2006-2019, raportoi këtë të diel se automjeti që po e çonte në stacionin ku ai zakonisht pret programin e fundjavës u qëllua 14 herë nga palë të panjohura që plagosën shoferin e politikanit.
Në fakt, Evo Morales ka raportuar se dy-tre kamionë e kanë ndjekur makinën e tij. “U befasova! Në fund kemi shpëtuar jetën tonë”, u shpreh ai.
Bolivia po përjeton ditë tensioni pas përplasjeve mes ndjekësve të Evo Morales, të cilët prej dy javësh organizojnë bllokada në rrugë të ndryshme të vendit.
“Ato janë veprime destabilizuese të drejtuara nga Morales që synojnë të ndërpresin rendin demokratik, i cili përbën një kërcënim serioz jo vetëm për Bolivinë, por edhe për stabilitetin dhe sigurinë në rajonin tonë”, shpjegoi Ministria e Punëve të Jashtme të vendit .
Ndjekësit e Evo Morales protestojnë për çmimin e ushqimeve dhe mungesën e karburantit. Përveç kësaj, ata kërkojnë nga qeveria që të tërheqë procedurat gjyqësore ndaj ish-presidentit të Bolivisë për trafikim njerëzor. Ata konsiderojnë akuzat për pedofili persekutim politik.
