Donald Trump vuri në dyshim mbrëmë pjesëmarrjen e tij të synuar në debatin presidencial me Kamala Harris, më 10 shtator.
Ish-presidenti i SHBA-së dhe kandidati republikan për Shtëpinë e Bardhë, ka nisur një bujë të re, kur ai postoi në platformën e tij të mediave sociale se, ai mendon që rrjeti i njohur televiziv, ABC News, që gjithashtu do të transmetonte këtë debat, është i njëanshëm kundër tij.
Ai pyeti në një postim të Truth Social: “Pse do ta bëja debatin kundër Kamala Harris, në atë rrjet?”.
Në një postim klasik, Trumpian, ai e quajti ABC një nga tre rrjetet më të mëdha televizive tokësore, me lajme të rreme.
