Qindra qytetarë u mblodhën mbrëmjen e së mërkurës në Teheran në një tubim në mbështetje të udhëheqjes iraniane, mes tensioneve të vazhdueshme me SHBA-në dhe Izraelin.
Shumë prej tyre mbanin në duar fotografi të ish-udhëheqësit suprem, Ajatollah Ali Khamenei, i cili u vra gjatë një sulmi të përbashkët ajror SHBA-Izrael në muajin shkurt.
Një prej pjesëmarrëseve në tubim, Nahal Rahmatpour, deklaroi se Irani është mjaftueshëm i fortë për t’u përballur me çdo kërcënim. “Trump nuk ka guximin të sulmojë përsëri. Ne jemi një superfuqi dhe nuk besoj se do të na godasin më”, u shpreh ajo.
Edhe protestues të tjerë theksuan se Irani doli fitues nga përplasja e fundit me Izraelin dhe SHBA-në. “Nëse duam të themi kush fitoi këtë luftë, ai ishte Irani”, tha një qytetare tjetër gjatë tubimit.
Deklaratat vijnë në një kohë kur negociatat mes Teheranit dhe Uashingtonit vijojnë, ndërsa frika për një përshkallëzim të ri ushtarak mbetet ende e lartë.
Marrë nga IRNA.ir
