Gazetarja Ola Xama tha se, Autoriteti i Konkurencës ka nisur hetim të thelluar për disa banka të nivelit të dytë edhe disa institucione financiare. Xama tha se, ky hetim nisi pas një ankese nga një kompani që ofron policin e sigurimit të jetës e cila ka dhënë shumë më pak përqindje krahasuar me kompanitë e tjera.
Gazetarja tha se mesa duket ky hetim u nis jo për interes të qytetarëve, por për interes të një kompanie. Ajo shtoi se Autoriteti i Konkurencës, një vit është bërë një hetim paraprak në tregun e sigurimeve të jetës pas një ankese që është depozituar në Autoritetin e Konkurencës dhe së fundmi, theksoi ajo, Autoriteti i Konkurencës ka marrë vendimin të nisë hetimin e thelluar për shumicën e bankave të nivelit të dytë edhe disa institucione financiare.
Xama shpejgoi dhe rolin e bankave në këtë çështje teksa tha se çdokush që shkon dhe merr kredi është i detyruar që të presë siguracionin e jetës dhe siguracionin e pronës. Ajo tregoi se në momentin që vjen data për ta prerë siguracionin e jetës, banka e pret vetë këtë dhe ia ofron klientit duke i thënë ‘ky është polici i sigurimit ti duhet të paguash këtë faturë’. Xama tha se bankat mbajnë 25%.
Pjesë nga fjala e gazetares:
Përpara se t’i përgjigjem pyetjes tuaj do të doja që si në ekonomi, si në krim, si në çdo fushë ne jemi shumë larg pasaportës europiane që premton kryeministri dhe nga ato që dëgjova dhe nga paneli dhe nga kolegia Klodiana Lala ky ishte konstatimi më me vend. Dhe po ta krahasosh dhe me fushën e ekonomisë sigurisht që jemi shumë larg pasaportës së europës dhe vendeve të europës që mund të jenë shumë afër gjeografikisht, por ky konkluzion më doli sepse isha duke parë tarifat e bankave që aplikojnë në Shqipëri, pra banka me kapital të BE-së që kanë degë dhe në Shqipëri me tarifat që aplikojnë ato në vendet ku operojnë. Në Shqipëri janë dy apo 3 herë më të larta krahasuar me ato andej. Edhe sa i takon praktikave tregtare edhe çmimeve të importuesve të naftës kudo vetëm Shqipëria nuk është Europë ndërkohë që të njëjtat kompani në vendet ku operojnë dhe janë vende të BE-së sillen si europiane.
Ky është realiteti shqiptar. Sa i takon çështjes së hetimit të thelluar që ka nisur Autoriteti i Konkurencës, një vit është bërë një hetim paraprak në tregun e sigurimeve të jetës pas një ankese që është depozituar në Autoritetin e Konkurencës dhe së fundmi Autoriteti i Konkurencës ka marrë vendimin të nisë hetimin e thelluar për shumicën e bankave të nivelit të dytë edhe disa institucione financiare. Hetimi është nisur prej një kompani që ofron policen e sigurimit të jetës e cila ka dhënë shumë më pak përqindje krahasuar me kompanitë e tjera. Pra Autoriteti i Konkurencës për të nisur këtë hetim të thelluar në tregun bankar i cili ka vite që abuzon me pozitën që ka me klientët të cilët kanë marrë një kredi nuk e ka nisur për shkak të interesit të qytetarëve, por e ka nisur për shkak të interesit të një kompanie.
Çfarë bëjnë bankat lidhur me trajtimin e klientit me policët e sigurimit? Çdo kush që shkon dhe merr kredi është i detyruar që të presë siguracionin e jetës dhe siguracionin e pronës në mënyrë që, nuk merr kredi konsumatore, por merr kredi hipotekore ku lihet dhe kolateral siç është kredia për shtëpi apo kredia për biznes, pra është i detyruar që një herë në vit të presë policin e sigurimit. Në momentin që vjen data për ta prerë, banka e pret vetë këtë polic dhe ia ofron klientit duke i thënë ‘ky është polici i sigurimit ti duhet të paguash këtë faturë’. Mua më ka ndodhur personalisht, por duke qenë se unë e di i kam thënë bankës unë nuk e paguaj këtë polic, por unë do të sjell një polic sigurimi të prerë vetë dhe një listë kompanish që ju ma vini në dispozicion te të cilat keni besim, edhe kjo është një tjetër çështje që duhet diskutuar, sepse rriskun nëse vdes unë larg qoftë dhe nuk e paguaj kredinë, shtëpinë time nuk e trashëgon trashëgimtari im, edhe e kam unë rriskun dhe unë duhet ta zgjedh kompaninë dhe nuk duhet ta zgjedhë banka.
Bankat mbajnë 25% dhe siguracioni i jetës varet në bazë të moshës, po një mesatar mund të jetë në nivelin 150% deri në 100 euro për një person. Tani, i gjithë tregu që arkëton banka përmes sigurimit është 60 milionë euro në vit. Nga këto bankat si broker sigurimi mbajnë njëzet e pesë për qind, pra 4 milionë euro janë fitimi i bankave. Këto 4 milionë euro duhet të ishin të qytetarëve. Mbase mund të duket një shifër e vogël nëse thua nëse janë 100 mijë klientë me euro. Çështja është që banka nuk e tregon këtë gjë te klienti, që ju duhet që ta paguani e ta prisni policën e sigurimit dhe të ma jepni mua po një treg akoma dhe më i madh është siguracioni i pronës dhe me çmimet e pronave që kanë shkuar sot, një siguracion prone shkon 150 deri në 200 euro.
Edhe këtu fiton njëzet e pesë për qind banka si agjent dhe broker sigurimi, ndaj unë kam një pyetje edhe për institucionet. Si ka mundësi që nuk shikojnë abuzimin me pozitën dominuese dhe marrëdhëniet tregtare që banka ka me klientin, por vetëm me shoqëritë e sigurimit dhe Autoriteti i Konkurrencës ka një rol shumë të madh në luftën e monopoleve, oligopoleve, qoftë edhe kontratave koncesionare, Autoriteti i Konkurrencës duhet të pyetet përpara se të jepet një kontratë koncesionare nëse prish rregullat e treta.
Marrë nga MCNtv.al
