Pas më shumë se dy vjet ngecje, për shkak të shpronësimit të tokave, rinisën sot punimet për ndërtimin e autostradës Gostivar – Bukojçan, pjesë e projektit Korridori 8 të cilën e ndërton konzorciumi Behtel&Enka, shkruan Alsat.
“Për herë të parë pas 50 vitesh këtu fillojnë punime reale, që do të thotë se për rrugëtimin nga kryeqyteti për në Ohër e Strugë do arrihet për një orë e njëzet minuta apo tridhjetë, që do e ndryshojë krejtësisht funksionimin e ekonomisë dhe turizmit dhe do e përshpejtoj rritjen ekonomike”, tha Aleksandar Nikollovski, ministër i Transportit.
Kryeministri Mickoski paralajmëroi përfundimin e punimeve në afat prej katër vitesh.
“Këto bisedime bashkë me konzorciumin Bektel kanë filluar gjatë vizitës sime në Uashington në Samitin e NATOS, dhe vazhduan këtu, dhe ja, e shihni se kur ka dialog, kur bisedohet për të mund e3dhe të ketë përparim. Këtë përparim gjithë ne mund ta shohim, dhe unë jam krenar që sot jemi këtu dhe që në periudhën e ardhshme do kemi shumë lajme të mira për banorët e vendit”, theksoi Mickoski.
Zv.kryeministri i parë Izet Mexhiti tha se me fillimin e punimeve në teren, tema e Korridorit 8 po mbyllet dhe e njëjta më nuk është temë politike, por temë ekonomike e rëndësishme për vendin.
“Unë mendoj se sot mbyllet tema e korridorit të 8 si temë politike. Korridori i 8 është prioritet mbi prioritete për zhvillimin e vendit për zhvillimin ekonomik, dhe aspak nuk kam dilemë se me Bektel Enka në javët që vijnë do jemi dëshmitarë të realizimit të projektit”, tha Mexhiti.
Në këtë eveniment mori pjesë edhe ambasadorja e Amerikës Angela Ageler e cila u shpreh se nisja e punimeve është një sinjal i qartë dhe i dukshëm i partneritet mes Maqedonisë e SHBA-së
