27 të arrestuar dhe 7 në kërkim është bilanci i një operacioni të Policisë së Tiranës për goditjen e veprimtarisë kriminale në fushën e narkotikëve, ku në total Prokuroria kishte lëshuar 34 masa sigurie “Arrest me burg”.
Burime zyrtare bëjnë me dije se hetimet kanë zgjatur që prej fillimit të këtij viti, ku është dokumentuar veprimtaria kriminale e shpërndarjes së lëndëve narkotike në zona të ndryshme të Tiranës. Pjesë e urdhër-arresteve janë dhe dy të arrestuarit e mëhershëm Euxhenjo Manushi dhe Klajdi Serjani, të cilët janë kapur me 1 kg kokainë.
Të arrestuarit janë shtetasit: Bosian Lamaj, 28 vjeç, Alsid Nekaj, 27 vjeç, Edmond Gjinarari, 20 vjec, Irakel Gjini, 37 vjeç, Armans Thanasaj, 33 vjeç, Amarildo Kola, 34 vjeç, Bjorn Mazniku, 25 vjeç, Armando Katroshi, 30 vjeç, Aurel Lila, 28 vjeç, Erdi Hyka, 25 vjeç, Mateo Uka, 21 vjeç, Kleo Lika 30 vjeç, Erdi Dibra, 21 vjeç, Klajdi Hysa, 21 vjeç, Aldo Faja, 34 vjeç, Erald Alikaj, 22 vjeç, Fabjol Tahiri, 19 vjeç, Andi Grori, 36 vjeç, Elvis Shehaj, 42 vjeç, Gjergj (Gkergk) Polena, 47 vjeç, Panajot Brahimaj, 26 vjeç, Marjo Pojaku, 25 vjeç, Euxhenjo Manushi, 21 vjeç, Mario Cerra, 25 vjeç, Sadik Rama, 24 vjeç, Klejvis Taku 27 vjeç dhe Arjel Cinaj, 21 vjeç.
Ndërsa në kërkim janë shpallur shtetasit: F. B., 43 vjeç, E. S., 28 vjeç, G. G., 27 vjeç, D. G ., 19 vjeç, K. H., 24 vjeç, M. B., 25 vjeç dhe E. L., 30 vjeç.
Nga veprimet hetimore rezulton se këta shtetas shpërndanin lëndën narkotike në lagje, lokale e në afërsi të shkollave në qytetin e Tiranës.
“Këta shtetas vepronin individualisht dhe të shpërndarë në të gjithë territorin e Tiranës. Gjatë operacionit me metoda speciale të hetimit u bë e mundur sigurimi i provave dhe dokumentimi ligjor i veprimtarisë kriminale të kryer nga këta shtetas. Nga ana jonë kryer të gjitha veprimet proceduriale dhe materialet proceduriale do ti kalojnë Prokurorisë së Tiranës, për veprime të mëtejshme hetimore për veprën penale të ”Prodhim dhe shitje narkotikësh”- thuhet në njoftimin e Policisë së Tiranës.
Gjatë këtij procedimi, në faza të ndryshme janë sekuestruar në cilësinë e provës materiale:
* 3.4 kilogramë lëndë e dyshuar narkotike Kokainë.
* 150 doza lëndë e dyshuar narkotike Heroinë.
* 500 doza ekstazi.
* 12 kg lëndë e dyshuar narkotike Cannabis Sativa.
* 26 telefona celular të markave të ndryshme.
* 10 automjete të markave të ndryshme.
Marrë nga Boldnews.al
