Një 33-vjeçar, i shpallur i humbur prej një jave nga familja e tij, është gjetur i pajetë në Durrës. Sipas informacioneve policore, trupi i pajetë i 33-vjeçarit, Branko Shkoza është gjetur para 5 ditësh.
Viktima ishte zhdukur që me datë 2 dhjetor, ndërsa familjarët kanë denoncuar rastin dy ditë më vonë, me datë 4 dhjetor. Autori 35-vjeçar, Majlind Habibi e ka fshehur krimin ndërsa, 8 ditë pas ngjarjes është vënë në pranga.
Policia më tej bën me dije se një ditë pas denoncimit nga familjarët është gjetur trupi i pajetë i të riut, më 5 dhjetor. Nga këqyrja e trupit të viktimës nuk u konstatuan shenja dhune, por nga këqyrja e vendit të ngjarjes dhe veprimeve të tjera hetimore, u zbulua se viktima ishte shtyrë me qëllim nga ura në një kanal ujërash të zeza nga shoku i tij.
Ngjarja e rëndë dyshohet se ka ndodhur pas një konflikti mes dy shokëve për shkaqe xhelozie. Sipas raporimeve dyshohet se viktima i kishte ngacmuar gruan autorit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
