Në Mitrovicën e Veriut ditën e sotme, Policia e Kosovës, Stacioni policor Zveqan, kanë gjetur sërish uniforma ushtarake, antiplumbë, karikatorë të armës së gjatë AK-47 me municion si dhe mjete tjera ushtarake.
Punonjësit e policisë, kanë hasur një rimorkio, brenda të cilës pas kontrollit gjetën dy thaës mme uniforma, antiplumb, 5 karikatorë të AK-47 me municion dhe paisje tjera ushtarake.
Në vendin e ngjarjes janë paraqitur të gjitha njësitë relevante policore, dhhe veprimet e ndërmarra janë paraqitur Prokurorit të Shtetit, i cili e ka gjykuar rastin si “Mbajtja në pronësi, kontroll ose posedim i pa autorizuar të armëve’’.
Nuk ka persona të arrestuar, por dyshohet se këto armë mund ti përkasin një personi të dyshimtë i cili është në kërkim për rastin Banjska, njofton Kosovo Police.
Kujtojmë se “Banjska”, është rasti në të cilin mbeti i vrarë një rreshter i Policisë së Kosovës në shtator 2023.
Njoftimi i “Kosovo Police” :
Gjenden serish uniforma ushtarake, antiplumbë, karikatorë të armës së gjatë AK-47 me municion si dhe mjete tjera ushtarake
Mitrovicë Veri , 18 Shtator 2025
Më datën 18.09.2025 rreth orës 09:45 njësia e hetimeve e Stacionit Policor Zveqan kanë hasur në një rimorkio ku pas kontrollit kishin hasur ne dy thasë me uniforma, antiplumbë, 5 karikatorë të AK-47 me municion dhe paisje tjera ushtarake. Mjetet e dyshimta të cilat janë konfiskuar janë si ne vijim:
1 Uniformë ushtarake kamufluese,
5 karikator me 132 fishek të armës AK-47,
5 fatrolla për mbajtje te karikatorëve në gjoks,
4 pale pantallona ushtrak,
4 jakne ushtarake,
3 fotrolla të radiolidhjeve,
1 antiplumb,
2 rripa brezi ushtarak
1 jelek taktik,
1 çantë taktike
1 helmetë e gjelbër
1 kapelë, dhe
1 dritë rrotative
Ne vendin e ngjarjes kane dal të gjitha njesitë relevante policore. Të gjitha veprimet e ndërmarra i janë paraqitur Prokurorit të Shtetit i cili ka urdhëruar inicimin e rastit ‘’Mbajtja në pronësi, kontroll ose posedim i pa autorizuar të armëve’’. Rasti nën hetime.
Nuk ka persona të arrestuar dhe dyshohet se këto armë i përkasin një personi të dyshimtë i cili tashmë është në kërkim për rastin Banjska.
Marrë nga Kosovapress.com
