Gjykata e Lartë ka rrëzuar kërkesën e Prokurorisë së Tiranës për të ekstraduar drejt Koresë së Jugut, Stephan Morgenstern.
Ai kërkohet për kryerjen e veprës penale të “Mashtrimit të rëndë” dhe shkeljes së ligjit “Për rregulloren për drejtimin e biznesit të mbledhjes së fondeve pa leje”, parashikuar nga legjislacioni penal i Koresë së Jugut, ku rrezikon dënimin përjetë.
Shtetasi gjerman, Stephan Morgenstern mbahej në masën “arrest në burg”, teksa Gjykata e Lartë vendosi ta revokojë këtë masë.
Stephan Morgenstern ra në pranga në aeroportin e “Rinasit” më datë 21.08.2023, pasi akuzohet se ka krijuar një skemë piramidale në nivel ndërkombëtar, nëpërmjet së cilës së bashku me individë të tjerë kanë përfituar rreth 28 milionë euro.
Për këtë arsye, prokuroria ka sekuestruar, një apartament luksoz me vlerë 483 000 euro në Lundër dhe dy garazhe që i përkisnin Stephan Morgenstern si dhe Anna Morgenstern.
