Prokuroria e Posaçme ka kërkuar leje nga GJKKO-ja për kontrollin e një apartamenti që pretendohet se është përdorur nga bashkëshortja e Erjon Veliajt, Ajola Xoxa. Vendimi tashmë i zbardhur, lejon agjentët e BKH-së që të kontrollojnë banesën në fjalë në zonën e Ish-Bllok, konkretisht te Sky Tower.
Kanë qenë prokurorët Altin Dumani dhe Ols Dado që kanë kërkuar leje të posaçme nga togat e zezë për të ushtruar kontroll në apartamentin 11/4 te kulla “Sky Tower” në kryeqytet. Gjyqtarja Atalanta Zeqiraj ka vendosur pranimin e kërkesës duke e vlerësuar si të ligjshëm nga kryeprokurori dhe homologu i vet.
Në vendimin e shkurtuar është parashikuar edhe qëllimi si “zbulimi, administrimi dhe sekuestrimi i provave që kanë lidhje me veprën penale, duke përfshirë prova dokumentare dhe elektronike, duke specifikuar dhe lloje e tyre.
Për këtë kërkesë të pranuar nga GJKKO-ja, janë ngarkuar për zbatimin e saj agjentët e Byrosë Kombëtare të Hetimit. Edhe pse nuk ka një komunikim zyrtar, burime për mediet kanë treguar se agjentët e BKH-së kanë mundur të sekuestrojnë dokumente të rëndësishme që mund të shërbejnë në këtë fazë hetimesh.
Kujtojmë që Prokuroria e Posaçme ka njoftuar se po heton Erion Veliajn për katër vepra penale, por edhe familjarët e tij si bashkëshorten Ajola Xoxe dhe vëllain Arbër Veliaj.
Marrë nga Newsbomb.al
