Festa përfundoi në tragjedi sot në Cetinje të Malit të Zi. Numri i të vdekurve është rritur në dhjetë, ndërsa policia është ende në kërkim të autorit të dyshuar, Aco Martinoviç.
Këto janë të dhënat e para të policisë nga vendi i ngjarjes ndërsa numri i viktimave mund të jetë edhe më i lartë.
Martinoviç ka filluar sulmin e dhunshëm në kafenenë “Velestovo”, afër Qendrës Sportive.
Për vijesti.me, dëshmitarët kanë deklaruar se brenda lokalit kishte ndodhur një përleshje, pas së cilës burri që po kërkohet ka nxjerrë armën dhe ka qëlluar drejt viktimave.
“Po e njoftojmë publikun se ky është një ngjarje situacionale, e cila nuk është pasojë e një konflikti midis grupeve të organizuara kriminale me rrezikshmëri të lartë. Për të zgjidhur këtë situatë emergjente, janë dërguar njësitë speciale të policisë”, thuhet në një njoftim të policisë.
Të gjitha njësitë e policisë janë në terren dhe po punojnë për arrestimin e autorit të krimit.
