Një situatë paniku është përjetuar para gjykatës në Selanik mëngjesin e sotëm.
Një person është shfaqur para gjykatës me një çantë në dorë duke u shprehur “ Të hedh në erë. Më sill ministrin”.
Kjo situatë ka shkaktuar tension me policinë, pasi ky shtetas ka bërë rezistencë duke goditur policët, duke i sharë dhe pështyrë. Arsyet pse e bëri këtë nuk ishin të qarta. Sipas informacioneve të para bëhet fjalë për një të huaj me pasaportë nga Irlanda që fliste shumë mirë greqishten.
Pas kapjes së personit u konstatua se në çantën e tij kishte mjete piroteknike si dhe një armë false.
