Avokati Altin Goxhaj ka deklaruar se, ditën e nesërme do të paraqitet në SPAK për të dorëzuar një kallëzim penal ndaj Kryeministrit Rama në lidhje me formimin e shtetit bektashi.
Me anë të një statusi në rrjetin social, Goxhaj shkruan se kjo parashtron cenimin e sovranitetit dhe integritetit territorial të Republikës së Shqipërisë dhe bashkëpunim me entitete të huaja në dëm të sovranitetit kombëtar.
Sipas Goxhajt, ideja e favorizimit të një komuniteti fetar mbi komunitetet e tjera, do të nxiste urrejtje dhe përçarje dhe se Kryeministri ka përdorur këto tensione fetare si mjet për të justifikuar krijimin e këtij shteti sovran.
