Të shtëna me armë zjarri janë regjistruar ditën e sotme në Roskovec. Sipas informacioneve dy persona janë qëlluar për vdekje. Ngjarja ka ndodhur në fshatin Kurjan të Roskovecit.
Autori i vrasjes, Altin Kuka 49-vjeç, është vënë në pranga, ndërsa është sekuestruar edhe arma e krimit. Të vrarë nga Kuka janë familjarët Lavdosh Kurtaj dhe Gramoz Kurtaj (Xhaxha dhe nip).
Dyshohet se shkak për vrasjen është bërë një konflikt i mëparshëm mes autorit dhe viktimave. Mësohet se në momentin e që ka ndodhur ngjarja, dy viktimat Gramoz e Lavdosh Kurtaj kanë qenë në një lokal të vogël në qendër të fshatit, të cilin e kanë pronë të tyre.
Gramoz e Lavdosh Kurtaj janë qëlluar me bershëri atomatiku dhe kanë mbetur të vdekur në vend. Ndërkohë, dy djem të cilët mendohet se janë shkaktar të konfliktit, që përfundoi në tragjedi, janë shoqëruar në polici.
