Grupi “Shkodra Elektronike” me këngën “Zjerm” ka fituar vendin e parë në edicionin e 63-të të Festivalit të Këngës. Kështu, “Shkodra Elektronike” do të përfaqësojë Shqipërinë në festivalin më të madh muzikor në Europës “Eurovision”.
Kënga “Zjerm” mori në total 143 pikë në votimin e ndarë 50% nga juria dhe 50% nga publiku. Në vendin e dytë u rendit këngëtarja Elvana Gjata me këngën “Karnaval”, duke marrë 135 pikë, ndërsa Alis siguroi vendin e tretë me këngën “Mjegull”, me 59 pikë.
Së pari u numëruan votat e jurisë profesioniste, më pas votat nga viaspora dhe në fund votat me SMS. Elvana Gjata arritit avantazhin vetëm gjatë numërimit të votave nga diaspora ndryshe nga grupi “Shkodra Elektronike” që kryesoi dhe me votat e jurisë dhe me votat me SMS.
