KthjellKthjellKthjell
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
© 2024 Kthjell. All Rights Reserved.
Leximi: Restaurimi i teatrit të Durrësit lë në hije monumentin në themelet e tij
Share
Njoftim Shfaq më shumë
Ndryshimi i madhësisë së shkronjaveAa
KthjellKthjell
Ndryshimi i madhësisë së shkronjaveAa
  • Editorial
  • Politike
  • Bota
  • Ekonomi
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Kërko...
  • Editorial
    • Analize
    • Koment
    • Opinion
  • Politike
    • Aktuale
    • Zhvillim
  • Bota
    • Rajoni
    • Te Tjera
  • Ekonomi
    • Finance
    • Korrupsion
  • HI-Tech
  • Kulture
  • Sociale
  • Sporti
  • Të ruajtura
  • Live RadioLive RadioLive Radio
Follow US
© 2024 Kthjell. All Rights Reserved.
Kthjell > Blog > Editorial > Analize > Restaurimi i teatrit të Durrësit lë në hije monumentin në themelet e tij
AnalizeKryesoreKulture

Restaurimi i teatrit të Durrësit lë në hije monumentin në themelet e tij

Përditësimi i fundit: 10 Dhjetor, 2024 1:48 pm
282 Shikime
Share
4 Min. Leximi
SHARE

Teatri “Aleksandër Moisiu” në qytetin e Durrësit bashkëjeton prej dekadash me Termat Antike – një nga monumentet më të rëndësishme arkeologjike të qytetit. Dhjetra kolona me lartësi deri në 10 metra, të cilat janë instaluar në sipërfaqen e Termave, mbajnë mbi shpinë thuajse gjysmën e godinës 60-vjeçare të teatrit.

Por ndërsa teatri po i nënshtrohet restaurimit përmes një financimi të Bashkisë dhe Ministrisë së Kulturës, monumenti arkeologjik vazhdon të mbetet në hijen e tij.

Sipas Bjord Xhafës, guidë turistike, termat nuk bëjnë pjesë në shumicën e programeve të grupeve turistike, pasi zbritja në to është e papërshtatshme.

“Shkallët janë të vështira për t’u zbritur, ndërsa shkurret janë mjaft të pranishme. Pa harruar që megjithëse ndodhet në katin e nëndheshëm të godinës, monumenti mbetet krejtësisht i pandriçuar,” tha Xhafa.

Termat antike u zbuluan në fillim të viteve ’60 nga profesor Vangjel Toçi, duke e vonuar dhe ndryshuar projektin e qendrës së Kulturës së Durrësit.

“Ishte koha e zbulimeve të rëndësishme në qendër të Durrësit, nga mozaiku i emërtuar “Bukuroshja e Durrësit”, deri te Amfiteatri antik i qytetit,” kujton akeologia Brikena Shkodra.

Bashkia e Durrësit ka bërë të ditur se investimi për restaurimin e godinës do të kushtojë rreth 5 milion euro, pjesa më e madhe e së cilës do të financohet nga institucioni i pushtetit lokal. Investimi parashikon të gjithë pjesën e sipërme të ndërtesës, por pjesa e kolonave që sigurojnë bashkëjetesën me termat antike do të mbetet e paprekur.

Shkodra thotë se nuk janë njohur ende me projektin e restaurimit dhe është e paqartë nëse ndërhyrja do të prekë edhe termet.

“Nuk jemi njohur me projektin, por nga ana tjetër e dimë se nuk ka patur kontrolle të gjendjes së kolonave mbi Terma,” shtoi ajo.

Studiuesi dhe arkeologu Eduard Shehi tha për BIRN se tashmë është gati për botim një libër mbi gërmimet në Termat Romake, të cilat japin hollësi edhe për elementët e godinës së projektuar nga arkitektja Valentina Pistoli, që u përurua në vitin 8 shkurt 1965.

Sipas tij, 43 nga kolonat me lartësi 7 – 10 metra janë ngritur në mënyrë të çrregullt për të mos dëmtuar monumentin antik, ndërsa 16 të tjera janë ngritur brenda mureve të godinës.

“Kolonat ku mbahet pjesa anësore janë më të shkurtëra,” tha Shehi, duke iu referuar zonave ku ndodhen elementet e termave (banja) si Tepidarium, Caldarium dhe Frigidarium (ujë i vakët, i nxehtë dhe i ftohtë).

Tashmë teatri është rrethuar nga skelat me banerave fotografike të projektit, sikurse dhe kangjellat e Termave antiike.

Aishe Stari dhe Haxhi Rama, dy artistët veteranë të skenës së teatrit “Aleksandër Moisiu” kujtojnë gjithashtu kohën kur u zbulua monumenti.

“Unë kam filluar punë, pak muaj pasi teatri u transferua nga Kinoteatri, që u njoh më vonë si “14 nëntori,” tha Mjeshtri i Madh, Haxhi Rama, I cili vazhdon të kontribuojë si regjisor.

Shqetësimi kryesor i artistëve vazhdon të mbetet përcaktimi i godinës si Teatër, duke gjetur një zgjidhje tjetër për pallatin e kulturës, me të cilin bashkëjetojnë të dy institucionet.

“I mbaj mend gërmimet e themeleve, të cilat sollën edhe zbulimin e termave,” tha Aishe Stari.

Arkeologët apelojnë për më shumë kujdes dhe vëmendje për monumentin 1900 vjeçar në themelet e teatrit “Aleksandër Moisiu”.

“Në një fazë të dytë restauruese të Teatrit “Aleksandër Moisiu”, mund të shikohet me përparësi edhe ndërhyrja në kolonat, duke shtuar sigurinë në godinës 60-vjeçare,” përfundoi Shehi.

 

Marrë nga BIRN

Ju gjithashtu mund të pëlqeni

Po kërkonte rrugë të re për kokainën, dështon plani i mafies shqiptare në Spanjë

Valë demonstratash në të gjithë Evropën, kundër kostos së jetesës

Diplomati italian: Plan për koloni izraelite në Itali, Shqipëri dhe Qipro

Mrekullia fiskale e Gonxhes: Taksa nuk dihet sa do të jetë, por shqiptarët do të dalin me fitim

ARRSH-ja hap 180 milionë euro tendera, në një ditë të vetme

Share This Article
Facebook Twitter Whatsapp Whatsapp LinkedIn Telegram Kopjo lidhjen Print
Share
Artikulli i mëparshëm Komisioni i Venecias rrëzon pretendimet e PS për çështjen “Xhaçka”
Artikulli tjetër FSHF-ja e prezanton “Albanin”, maskotën e Kombëtares për Euro 2025

Na ndiqni në rrjetet sociale

FacebookLike
InstagramFollow
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image

Më të fundit

Rafineria e Fierit fitoi 5.7 milionë euro në një vit, por kurseu filtrat duke helmuar qytetin
Analize Finance Kryesore Opinion Sociale Zhvillim 20 Nëntor, 2026
RAI: Mbi 60 mijë italianë çdo vit në Shqipëri për “turizëm dentar”
Analize Kryesore Opinion Sociale Zhvillim 20 Nëntor, 2026
Udhëkryqi i Reformës së re të Pensioneve
Analize Fokus Kryesore Opinion Sociale 20 Nëntor, 2026
Prokuroria e Vlorës konfiskon 16 milionë euro pasuri të familjarëve të Artur Shehut
Aktuale Analize Fokus Kryesore Sociale 20 Nëntor, 2026
//

Kthjell është revista juaj online e lajmeve që ofron përmbajtje tërheqëse dhe informuese për çdo interes. Qëndroni të përditësuar me zhvillimet më të fundit në teknologji dhe shkencë, merrni frymëzim për dizajnin dhe dekorimin e ambienteve, dhe përmirësoni jetën tuaj me këshilla të ekspertëve për mirëqenien personale. Zhytuni në botën e pasur të artit dhe kulturës, eksploroni destinacione të reja udhëtimi dhe mësoni shumë më tepër. Kthjell është porta juaj për të zbuluar, për t’u informuar dhe për t’u frymëzuar çdo ditë. Bashkohuni me ne në këtë udhëtim të vazhdueshëm eksplorimi dhe zbulimi.

KthjellKthjell
Follow US
© 2024 Kthjell. All Rights Reserved.