Ylli i popit, Taylor Swift ka thyer një tjetër rekord. Këngëtarja dhe kompozitorja ka bërë histori si gruaja e parë që ka arritur shtatë nominime për albumin e vitit gjatë gjithë karrierës së saj. Kjo u u bë e ditur në njoftimin e nominimit të 67-të të “Grammy Awards”.
Krijuesja e hiteve Anti-Hero ka marrë çmimin më të madh “Grammy” në shtëpi, katër herë, duke vendosur një rekord në ceremoninë e çmimeve 2024.
Tani këngëtarja 34-vjeçare është nominuar për këtë kategori edhe një herë për albumin e saj “The Tortured Poets Department” për shfaqjen e çmimeve në shkurt 2025.
Swift u nominua për rekordin e vitit, këngën e vitit dhe videoklipin më të mirë, për këngën e saj hit “Fortnight” dhe albumin më të mirë vokal pop për “The Tortured Poets Department”. Ajo gjithashtu mori një nominim për këngën e saj bashkëpunuese me Gracie Abrams të titulluar “Us”.
Swift-it iu bashkua Beyonce-s për të bërë histori në listën e Grammy-t. Duke marrë gjithsej 11 nominime, Queen Bey u bë artistja më e nominuar në historinë e shfaqjes së çmimeve, duke e çuar numrin e nominimeve të saj totale në 99, gjatë gjithë karrierës së saj.
Çmimet e 67-ta Grammy do të zhvillohen drejtpërdrejt në Los Angeles në Crypto.com Arena të dielën, më 2 shkurt 2025.
