Administrata e Presidentit Donald Trump po përgatitet të vendosë sanksione ndaj Gjykatës Ndërkombëtare Penale, raportoi sot Wall Street Journal, duke cituar zyrtarë dhe dokumente.
Masat do të kufizonin shumicën e transaksioneve me GJNP-në pas një periudhe përjashtimi prej gjashtë deri në shtatë muaj. Raporti bazohet në dokumente të siguruara nga Wall Street Journal dhe deklarata të zyrtarëve të njohur me çështjen.
Sanksionet e mundshme do të përbënin një tjetër përplasje mes administratës amerikane dhe Gjykatës Ndërkombëtare Penale, e cila ndodhet në Hagë dhe heton raste të dyshuara për krime të rënda ndërkombëtare.
Marrë nga Wall Street Journal
