Media e madhe amerikane, Bloomberg, publikoi një shkrim për ndikimin e Donald Trump në zgjedhjet shqiptare të 11 Majit.
Shkrimi përmban ato informacione që janë cituar më përpara.
Bloomberg shkruan se ish-menaxheri i fushatës elektorale të Donald Trump, Chris LaCivita do të këshillojë opozitën në rrugën për fitoren e zgjedhjeve.
Kurse Edi Rama po përpiqet të joshë administratën e Trump duke i hapur rrugë një investimi të dhëndrit të presidentit amerikan, Jared Kushner. Rama thotë se e ka shok dhëndrin e Trump, por nuk mund të thotë nëse edhe Kushner e ka shok atë.
Megjithatë, një nga përcaktimet më të rëndësishme në analizën e Bloomberg është se në Shqipëri nuk ka asnjë sondazh të besueshëm për zgjedhjet e 11 Majit.
“Ndërsa nuk ka një sondazh të besueshëm publik përpara votimit të 11 majit, Shqipëria është vetëm një nga disa vende ballkanike në të cilat administrata dhe bashkëpunëtorët e Trump kanë një interes,” shkruan media amerikane.
Ky vlerësim vjen në kohën kur në mediat qeveritare kanë shpërthyer sondazhet që afërmendsh parashikojnë një fitore të Edi Ramës.
Ndërkohë sondazhet e brendshme tregojnë të kundërtën.
Marrë nga Bloomberg.com
