Departamenti Amerikan i Shtetit po pushon nga puna më shumë se 1,300 persona, si pjesë e një riorganizimi dramatik të agjencisë.
Qindra zyra dhe byro po eliminohen ose ndryshohen si rezultat i ndryshimeve.
“Në lidhje me riorganizimin e Departamentit të njoftuar për herë të parë nga Sekretari i Shtetit më 22 prill 2025, Departamenti po përmirëson operacionet e brendshme për t’u përqendruar në prioritetet diplomatike. Reduktimet e numrit të punonjësve janë përshtatur me kujdes për të prekur funksionet jo-thelbësore, zyrat e dyfishta ose të tepërta, si dhe zyrat ku mund të gjenden efikasitete të konsiderueshme nga centralizimi ose konsolidimi i funksioneve dhe përgjegjësive”, thuhet në njoftim.
Zyrtarët e shërbimit të jashtëm që marrin njoftime për “Reduktim të Forcës” (RIF) të premten do të vendosen në leje administrative për 120 ditë përpara se të humbasin zyrtarisht vendet e tyre të punës, sipas njoftimit. Shumica e nëpunësve civilë do të vendosen në leje për 60 ditë përpara se shkarkimi i tyre të hyjë në fuqi, thuhet në njoftim.
Marrë nga Associated Press
