Ish-presidenti i SHBA-së, Donald Trump, u shpreh se do t’i japë Elon Musk-ut një punë në administratën e tij nëse ai fiton rizgjedhjen në nëntor, tha ai të hënën.
Kandidati republikan presidencial ngritin gishtin e madh kur u pyet gjatë një interviste me Reuters, nëse ai do ta emëronte Muskun në një rol këshillues, apo pozicion në kabinet.
“Ai është njeri shumë i zgjuar. Sigurisht që do ta bëja, nëse ai do pranonte, unë sigurisht që do ta bëja. Ai është njeri gjenial”, tha Trump.
Disa orë më vonë, miliarderi i teknologjisë Musk postoi në rrjetet sociale një imazh të krijuar nga IA-ja i tij duke qëndruar në një podium me flamuj amerikanë, në sfond me mbishkrimin, “Unë jam gati të shërbej”.
Musk, i cili ka përkrahur pikëpamjet gjithnjë e më konservatore muajt e fundit, e mbështeti zyrtarisht Trump-in muajin e kaluar dhe e intervistoi në platformën e tij të rrjeteve sociale, X, javën e kaluar.
