Shtëpia e Bardhë dhe miliarderi Elon Musk kanë quajtur lajm të rremë dorëheqjen e këtij të fundit si këshilltar i Donald Trump.
Zëdhënësja e Shtëpisë së Bardhë, Karoline Leavitt, ka shkruar në X se “ky lajm është i pavërtetë: Presidenti dhe Elon Musk kanë thënë të dy publikisht se Elon do të largohet nga shërbimi publik si punonjës special i qeverisë sapo të përfundojë puna e tij”.
Më herët në mediat e huaja u raportua se Elon Musk ka dhënë dorëheqjen nga pozicioni i tij si këshilltar i Donald Trump dhe do të largohej në ditët në vijim.
Ky lajm bëri xhiron e rrjetit por tashmë është përgënjeshtruar nga Shtëpia e Bardhë dhe vetë Elon Musk.
Marrë nga Newsbomb.al
