Një klimë e tensionuar duket se është krijuar mes Elon Musk dhe kabinetit të qeverisë së Donald Trump.
Sipas asaj që raporton New York Times, Musk është përplasur ashpër ditën e djeshme me Sekretarin e Përgjithshëm të Shtetit amerikan Marco Rubio gjatë një takimi në Shtëpinë e Bardhë me dyer të mbyllura.
Shkak për nisjen e debatit është bërë pushimi nga puna i mijërave punonjësve të USAID, që është nën juridiksionin e Rubio, dhe sipas Musk ai nuk ka bërë një punë të mirë duke mos shkarkuar mjatueshëm persona nga puna.
Nga ana tjetër Rubio kritikoi ashpër Elon Musk për ndërhyrje në Agjencinë e Shteteve të Bashkuara për Zhvillim Ndërkombëtar,USAID që është në kompetencë të Marco Rubio. Sekretari i lartë i Shtetit është përgjigjur Musk se 1,500 zyrtarë të Departamentit të Shtetit që pranuan pagesat e parakohshme cilësohen pushimm nga puna.
Pjesë e këtij takimi ka qenë dhe vetë presidenti Donald Trump si dhe anëtarë të tjerë të qeverisë, ndërsa vetë Trump i ka mohuar këto pretendime përpara kamerave.
“Disa detaje kanë dalë në lidhje me takimin e kabinetit tuaj me Elon Musk dhe disa përplasje të mundshme mes Sekretarit Rubio,” ishte pyetja e gazetarit.
“Asnjë përplasje. Unë isha atje – ju jeni thjesht një ngatërrestar. Dhe ju nuk duhet ta bëni këtë pyetje”, ishte përgjigja e Trump.
Marrë nga New York Times
