Presidenti i Turqisë, Recep Tayyip Erdogan, ka deklaruar se lufta në Iran po fillon të “dobësojë Evropën”, gjatë një bisede telefonike me presidentin gjerman, Frank-Walter Steinmeier.
Sipas një njoftimi të publikuar në rrjetet sociale nga zyra e presidentit turk, dy liderët zhvilluan një bisedë të mërkurën, ku diskutuan marrëdhëniet mes dy vendeve, si dhe konfliktet në vazhdim në Iran dhe Ukrainë.
“Presidenti Erdoğan theksoi se lufta në rajonin tonë ka filluar të dobësojë edhe Europën dhe se, nëse kjo prirje nuk trajtohet me një qasje të orientuar drejt paqes, dëmet e shkaktuara nga kjo periudhë konflikti do të jenë shumë më të mëdha,” thuhet në deklaratë.
Marrë nga BBC
