Zhvillimet politike në Turqi janë të trazuara, ku Ministria e Brendshme njoftoi më 23 mars se, Ekrem Imamoglu do të shkarkohet nga detyra pas arrestimit zyrtar nga një gjykatë për akuzën e korrupsionit.
Këshilli Bashkaik i qytetit të Stambollit, në të cilin partia më e madhe opozitare, Partia Popullore Republikane (CHP), ka shumicën, pritet të zgjedhë një person për të vepruar si kryetar bashkie në ditët në vijim, pas shkarkimit të Imamoglu. Dy kryebashkiakë të tjerë në rajon janë hequr gjithashtu, tha ministria e brendshme.
Në një postim në platformën X, Imamoglu deklaroi se procesi ligjor në lidhje me paraburgimin e tij ishte “një ekzekutim i plotë jashtëgjyqësor”, i barabartë me “tradhti ndaj Turqisë”.
Marrë nga Mast.al
