Për të nxitur zhvillimin e futbollit të të rinjve një shtytje vendimtare mund të vijë direkt nga FIFA .
Mbledhja e Këshillit në Vankuver miratoi unanimisht nisjen e një procesi konsultimi për të futur një kërkesë rregullatore që u kërkon ekipeve të klubeve të fusin gjithmonë në fushë të paktën një lojtar nga sistemi i tyre i të rinjve, nga kategoritë deri U-21, pavarësisht kombësisë.
Pas konsultimit, një propozim zyrtar do t’i paraqitet Këshillit të FIFA-s vitin e ardhshëm, me qëllim futjen e rregullit që në sezonin 2027/28.
Propozimi i FIFA-s, nëse miratohet, mund ta ndryshojë thellësisht menaxhimin e ekipeve të akademive të të rinjve dhe qasjen e klubeve evropiane ndaj zhvillimit të talenteve të tyre.
Marrë nga Marca.com
