Ndërsa tensionet midis Izraelit dhe Iranit kanë marrë një kthesë të rrezikshme, Gaza po lihet pas dore dhe po përballet me një “ndërprerje të plotë të komunikimit”, pas shkëmbimit të zjarrit midis dy vendeve.
Përshkallëzimi i fundit i konfliktit ka zhvendosur vëmendjen ndërkombëtare, ndërkohë që të paktën tetë persona janë vrarë dhe dhjetëra të tjerë janë plagosur pranë pikave të shpërndarjes së ushqimit në Gaza, sipas autoriteteve palestineze të shëndetësisë.
Personaliteti televiziv, Hugh Fearnley-Whittingstall, e quajti situatën në Gaza “katastrofike”, duke theksuar se vëmendja e mediave është përqendruar tani te sulmet ajrore në Teheran.
Të premten, Izraeli riktheu fokusin tek Irani, duke goditur objektiva të rëndësishme si infrastruktura bërthamore dhe fushat e naftës.
Ndërkohë, të dielën në mbrëmje, sulmet izraelite thuhet se shënjestruan ndërtesën e Ministrisë së Jashtme në Teheran.
Në të njëjtën kohë, raportohet se disa zjarre kanë shpërthyer pranë qytetit të Haifës në Izraelin verior, pas një vale sulmesh ajrore nga Irani, me disa persona që janë dërguar me urgjencë në spital.
Marrë nga Newsbomb.al
