Gjykata e Lartë ka rrëzuar rekursin e ish-deputetit të Partisë Demokratike, Ervin Salianji, duke lënë në fuqi vendimin e mëparshëm të Apelit. Vendimi vjen pas një beteje të gjatë ligjore të Salianjit, i cili ishte dënuar për çështjen e njohur si “Babale”.
Me këtë vendim, Gjykata e Lartë konfirmon fajësinë e tij, duke i hapur rrugë zbatimit të vendimit të mëparshëm të Apelit. Salianji kishte kërkuar rrëzimin e dënimit, duke pretenduar se procesi ndaj tij ishte i motivuar politikisht dhe i pabazuar në prova të qarta ligjore.
Ky vendim pritet të ketë ndikim në skenën politike, veçanërisht brenda Partisë Demokratike, ku Salianji është një figurë e njohur. Deri tani, ai nuk ka dhënë një reagim të drejtpërdrejtë, por më herët ka deklaruar se çështja është e manipuluar dhe e motivuar politikisht.
Marrë nga Publik.al
