Presidenti i SHBA-ve, Donald Trump, prej kohësh po sulmon përmes rrjeteve sociale ish-presidentin amerikan, Barack Obama, duke postuar video të këtij të fundit të gjeneruara nga inteligjenca artificiale. Pamjet krijuara nga AI, shfaqin Obamën duke u arrestuar në Shtëpinë e Bardhë dhe një foto e tij me veshje portokalli pas hekurave të qelisë.
Gjithashtu në videon e krijuar nga inteligjenca artificiale ishte i përfshirë edhe drejtori i FBI-së James Comey dhe ish-drejtori i CIA-s John Brennan. Ndërsa ish-këshilltari i lartë i politikës së jashtme të Obamës, është sulmuar për shkak së është i lidhur me grupin terrorist Hamas, referuar kështu videove të gjeneruara nga inteligjenca artificiale.
Javën e kaluar, Drejtoresha e Inteligjencës Kombëtare, Tulsi Gabbard, publikoi një mori dokumentesh të deklasifikuara nga javët e fundit të administratës Obama duke pretenduar se ato ekspozojnë një ‘komplot tradhtar’ për të minuar Trump pas fitores së tij në zgjedhjet e vitit 2016.
Disa nga postimet e tij përmbanin klipe të Drejtoreshës së Inteligjencës Kombëtare (DNI), Tulsi Gabbard, e cila bënte thirrje që Obama të ndiqej penalisht për pretendimet për bashkëpunim rus në zgjedhjet presidenciale të vitit 2016.
Videoja u krijua nga një llogari pro-MAGA me një numër të vogël ndjekësish që tërhoqi vëmendjen e ekipit të presidentit.
Një video e veçantë me një figurë të zymtë të “Grim-Reaper” përshkruan ‘mashtrimin më të koordinuar politik në historinë e SHBA-së’ në lidhje me takimin e Obamës me zyrtarët e lartë të inteligjencës.
“Inteligjenca u politizua në nivelet më të larta nën drejtimin e një presidenti në detyrë për të futur në kurth atë të ardhshëm. Ishte një grusht shteti i butë”, thotë personazhi në video.
Videoja e inteligjencës artificiale e agjentëve të FBI-së që arrestojnë Obamën në Zyrën Ovale dhe klipet e rreme të ish-presidentit në burg me një kostum portokalli u vendosën nën melodinë e këngës së preferuar të Trump, Y.M.C.A. nga Village People.
“Është më keq se politizimi i inteligjencës, ishte inteligjencë e fabrikuar që kërkonte të arrinte objektivin e presidentit Obama dhe ekipit të tij, i cili po minonte presidentin Trump”, i tha Gabbard prezantueses së Fox, Maria Bartiromo.
Marrë nga Associated Press
