Shqipëria dhe vendet fqinje do të preken nga një valë e të nxehtit përsa i përket ditëve në vazhdim.
Kryesisht vendet që do të përjetojnë temperatura të larta përveç Shqipërisë, janë Greqia, Maqedonia e Veriut, Bullgaria, Italia jugore si dhe Turqia perëndimore ku pritet që vlerat maksimale të tejkalojnë 42-44°C, duke thyer rekordet krahasuar me vitet e mëparshme.
Kjo valë e të nxehtit vjen si pasojë masave ajrore të nxehta të ardhura nga Afrika e Veriut në drejtim të Mesdheut lindor, ndërkohë që në drejtim të Europës perëndimore lëvizin masat ajrore të ftohta.
Përgjatë 5 viteve të fundit, temperaturat kanë pësuar rritje me 1 deri në 2 gradë më shumë të ekstremeve minimale dhe atyre maksimale përgjatë 30-vjeçarit 1960-1990. Ndërsa nëse i referohemi periudhës së verës së pesëvjeçarit që lamë pas, jemi 3-5 gradë më lart në temperaturë krahasuar me periudhën 30-vjeçare.
Vetëm dy javë më parë Evropa Jugore dhe Ballkani, përfshirë rajonet përreth Shqipërisë, regjistruan vlera të “stresit të nxehtësisë” shumë të fortë, me ndjesi termike që tejkaluan 38°C. Shqipëria u prek ndjeshëm nga ky fenomen ekstrem. Temperaturat maksimale ditore në shumë qytete, si Tirana, Durrësi, Elbasani dhe Gjirokastra, gjatë kësaj vale tejkaluan vlerat 39–40°C, duke kulmuar më 7 korrik, që rezultoi dita më e nxehtë.
Marrë nga Newsbomb.al
