Irani ka hedhur poshtë propozimin e Pakistanit për një armëpushim 45-ditor me SHBA-në dhe ka propozuar dhjetë pika për të filluar negociatat midis Teheranit dhe Uashingtonit.
Konkretisht, dhjetë pikat përfshijnë fundin e luftës, kalimin e sigurt nëpër Ngushticën e Hormuzit, tërheqjen e sanksioneve kundër tij dhe rindërtimin e të gjitha strukturave të shkatërruara nga bombardimet.
Pas vendimit të Teheranit, Presidenti Donald Trump ka deklaruar se ditën e nesërme është afati i fundit për gjetjen e një zgjidhjeje që do t’i jepte fund luftës me Iranin.
Trump deklaroi se Irani kurrë nuk mund të ketë armë bërthamore.
Të gjitha këto diskutime dhe tensione vijnë, pasi një ditë më parë, Trump i vuri afat Teheranit që të hapë Hormuzin deri të martën, përndryshe vendi do të kthehej në ‘ferr’.
Irani ka konfirmuar gjithashtu se shefi i inteligjencës i Gardës Revolucionare Islamike, Asghar Bagheri është vrarë.
Marrë nga Reuters
