Dhjetëra mijëra mbështetës të opozitës pro-evropiane të Gjeorgjisë u mblodhën në qendër të Tbilisit për të protestuar kundër qeverisë.
Policia gjeorgjiane përdori gaz lotsjellës kundër protestuesve që u përpoqën të hynin në pallatin presidencial, sipas agjencisë së lajmeve AFP. Televizioni lokal dhe një dëshmitar thanë se oficerët qëlluan me spraj piperi dhe ujë për të shpërndarë turmën.
Protestuesit më parë marshuan drejt pallatit presidencial dhe disa prej tyre u përpoqën të hynin në ndërtesë.
Partia në pushtet Ëndrra Gjeorgjiane përballet me provën e saj të parë zgjedhore këtë fundjavë pas zgjedhjeve parlamentare të vitit 2024, të cilat i fitoi pavarësisht se opozita e kontestoi rezultatin. Në këtë kontekst, zgjedhjet bashkiake kanë marrë një rëndësi të veçantë.
Opozita u bëri thirrje qytetarëve të protestojnë kundër “devijimit autoritar” të qeverisë, e cila nga ana tjetër paralajmëroi kundër çdo përpjekjeje për të organizuar një “revolucion” në vend.
Marrë nga Reuters
