Kryeministri i Sllovakisë, Roberto Fico pretendon se Presidentja e Komisionit Europian e ka “dërrmuar” me kritika, pas një telefonate që pati me Presidentin e SHBA-ve, Donald Trump në një kohë kur u vendosën tarifat ndaj produkteve të BE-së nga ana e Uashingtonit.
Fico iu referua një telefonate shpërthyese që kishte më herët gjatë kësaj të hëne me Von der Leyen.
Udhëheqësi sllovak pretendon se Von der Leyen e nënçmoi dhe e quajti atë “idiot”. “Ne diskutuam dy çështje”, tha Fico, duke shtuar se e para ishin tarifat e Trump kundër Evropës.
“Ajo më nënçmoi për gjysmë ore, duke më thënë se jam një idiot i madh”, shtoi kryeministri sllovak.
Në të njëjtën kohë, Fico thotë se i shprehu habinë e tij Presidentes së KE, për faktin se Macron mund të flasë me Trump, ndërsa ai nuk mundet.
Ai tha gjithashtu se Europa po pret “një surprizë të madhe më 2 prill”, kur tarifat e Trump të hyjnë në fuqi, “por ne ende nuk e dimë se sa e madhe do të jetë”.
Megjithatë, kryeministri sllovak më vonë u tërhoq nga deklarata e tij, duke thënë se debati me Von der Leyen ishte një shaka që “jo të gjithë e kuptonin”.
Marrë nga Daily Mail
