Politikani dhe analisti gjerman Martin Henze ka reaguar ashpër përmes një postimi në rrjetet sociale, duke deklaruar se opozita shqiptare ka humbur zgjedhjet parlamentare për shkak të manipulimeve masive të organizuara nga qeveria Rama.
Ai e cilëson qeverinë aktuale si “të paligjshme” dhe e akuzon për bashkëpunim me grupe kriminale të drogës për të ndikuar në rezultatin zgjedhor.
Henze shpreh mbështetjen e tij për popullin shqiptar dhe për kryeministrin e sapozgjedhur Sali Berisha, duke kërkuar dorëheqjen e menjëhershme të kryeministrit Edi Rama.
Ai pretendon se ka pasur manipulime elektronike, vjedhje dhe shkëmbim dokumentesh zgjedhore, dhunë fizike dhe shkelje të tjera që duhet të përbëjnë bazë për ndjekje penale kundër Ramës dhe bashkëpunëtorëve të tyre.
“Zoti Rama, ndalo lojërat dhe jep dorëheqjen”, përfundon Henze në mesazhin e tij, ndërsa shton se përpjekjet për të bindur komunitetin ndërkombëtar për legjitimitetin e këtyre zgjedhjeve janë të papranueshme.
Kujtojmë se vite më parë në media mori dhenë lajmi se Martin Henze ishte këshilltar i ish kancelares Angela Merkel, por në fakt u mësua se kishte pasur postin Kryetar i Komisionit të Transportit, Infrastrukturës dhe Lëvizshmërisë së Këshillit Ekonomik të CDU-së Veriore, Gjermani.
Marrë nga Newsbomb.al
