Një raport përmbledhës, i hartuar nga Ministria e Financave, i mbështetur në raportet e auditimeve të brendshme të ministrive, bashkive, prefekturave dhe kompanive shtetërore, ka konstatuar se gjatë 5 muajve të parë të vitit 2024, korrupsioni është rritur me 30% më tepër se në fund të vitit 2023.
Sipas juridiksionit, Ministri i Financave, Ervin Mete, këtë raport për nivelin e korrupsionit, do t’ia dorëzojë kryeministrit Edi Rama, ndërsa sipas detyrimit të bashkëpunimit, duhet t’ia paraqesë dhe agjencive anti- korrupsion, si referencë për veprime ligjore.
Raporte të tilla, janë hartuar 14 herë gjatë 11 viteve të qeverisjes së Edi Ramës, por janë mbajtur të fshehtë e janë lënë në heshtje nga qeveria, duke mos vënë në lëvizje e duke mos lejuar të veprojnë, as strukturat kundër korrupsionit, madje as Drejtoria Anti-korrupsion në Kryeministri.
Prandaj korrupsioni është shtuar vit pas viti, duke nisur nga kryeministria, nëpër ministri, bashki, agjenci qendrore e deri në njësitë më të vogla, që tenderojnë fonde e pasuri shtetërore.
Vetëm sipas raporteve të KLSH dhe auditimeve të brendshme të qeverisë e pushtetit lokal, shifra totale e vjedhjeve në vitet 2014-2023, është 12 miliardë Euro; nga të cilat, 8 miliardë Euro në tenderët e rrugëve, investimet lokale, mbetjet, turizëm, energji, shëndetësi, arsim e bujqësi.
Por treguesi alarmant në raportin e fundit të Ministrisë së Financave, është fakti, se pas krijimit të Ministrisë Anti- korrupsion, korrupsioni është shtuar me 30%, pavarësisht se goditjet e SPAK kanë qenë më të shumta e në çdo nivel të qeverisjes.
Në këtë rast, krijohet dyshimi logjik, se kryeministri Edi Rama me një qeveri të zhytur në korrupsion, krijoi Ministrinë Anti korrupsion, si fasadë për të mashtruar partnerët, sikur gjoja po lufton korrupsionin dhe po plotëson kërkesat e kapitullit të negociatave.
Por korrupsioni po shtohet, ndërsa ministrja Adea Pirdeni, nuk ka asnjë veprim publik kundër korrupsionit, përveç një deklarate broçkull te një takim i PS, ku tha : – Unë jam ministre e anti-korrupsionit. Me mbështetjen e kryeministrit largpamës e reformator Edi Rama, po luftojë korrupsionin sipas direktivave të tij dhe kapitullit të negociatave.
Mirëpo, në raportin e Ministrisë së Financave, është evidentuar dhe një fakt tjetër: vetë ministrja Anti-korrupsion dhe e Administratës Publike, Adea Pirdeni, në këto 6 muaj detyrë, ka bërë “kurban” 10 milionë Euro fonde, me projekte fiktive që u ka dhënë OJF-ve ‘lëpirëse’ të qeverisë, për gjoja luftën kundër korrupsionit dhe trajnimin e administratës.
Marrë nga Pamfleti
