Akti normativ për rishikimin e buxhetit për vitin 2024 parashikon një financim shtesë për KQZ-në , prej 250 milionë lekësh për procesin e votës së emigrantëve për zgjedhjet e vitit 2025.
“Financim shtesë në masën 250 mln lekë për vitin 2024 për projektin e regjistrimit të zgjedhësve në diasporë në Komisionin Qendror të Zgjedhjeve, me qëllim avancimin në vitin 2024 të procedurave të prokurimit për zgjedhjet e përgjithshme të vitit 2025 dhe garantimin e implementimit në kohë të sistemit”, thuhet në aktin normativ të buxhetit të shtetit.
Deri në mes të nëntorit duhet të jetë marrë konsensusi për administrimin e numërimit dhe vlerësimit të votave, që sipas parashikimeve në Kodin Elektoral pritet të bëhet në KQZ.
1 marsi i vitit 2025 është limiti i afatit për miratimin e fletës së votimit.
Regjistrimi i tyre do të hapet 4 muaj para datës së zgjedhjeve.
