Një përplasje është shënuar në një nga qendrat e numërimit të votave në kryeqytet, konkretisht në zonën e Kasharit. Sipas raportimeve një nga vëzhguesit e Ornaldo Rakipit ka goditur me grusht kryetarin e KZAZ-së nr.30.
Rei Nozlli, autori i përplasjes së dhunshme në ambientet e Qendrës së Numërimit të votave në Kashar është shqëruar në polici. Nozlli goditi me grusht sekretari e Komisionit Zonal të Administrimit të Zgjedhjeve (KZAZ), Remzi Mehmeti.
Ngjarja ndodhi në prani të komisionerëve dhe vëzhguesve të tjerë, duke krijuar tension dhe ndërprerje të menjëhershme të numërimit të votave.
Bëhet me dije se është kërkuar ndërhyrja e policisë pasi gjatë procesit të numërimit të votave, përfaqësuesit e subjekteve politike janë konfiktuar verbalisht me njëri-tjetrin.
Sakaq policia njofton se në këtë konflikt janë përfshirë edhe dy efektivë policie, teksa shton se është shoqëruar për në komisariat edhe 26-vjeçari Rei Nozlli.
Drejtuesi politik i qarkut të Tiranës, kandidati i PD-së, Belind Këlliçi ka denoncuar se është dhunuar sekretari Remzi Mehmeti.
Këlliçi thotë se Mehmeti ka shkuar për të bërë kallëzim në komisariat teksa shton se personi që e ka goditur nuk kishte as badge. Këlliçi shton se këtë rast do ta dërgojnë edhe në SPAK pasi ky është një krim zgjedhor.
Komisioneri Shtetëror i Zgjedhjeve Ilirjan Celibashi, ka reaguar menjëherë pas sherrit të ndodhur në qëndrën e numërimit të Yrshekut, ku një vëzhgues i kandidatit të PS-së Ornaldo Rakipi ka dhunuar kreun e KZAZ, Remzi Mehmeti. •
Celibashi ka marrë menjëherë masa, ku përmes një shkrese ka dhënë urdhër për përjashtimin e çdo vëzhguesi të pranishëm në Kashar. Vendimi kërkon revokimin e akreditimit të çdo vëzhguesi.
Marrë nga Dosja.al
