Sir Keir Starmer pritet të largohet si Kryeministër brenda një viti në drejtimin e Britanisë.
Sipas një sondazhi i “The Mail on Sunday“, votues të zemëruar e kritikojnë menaxhimin e tij të dobët të ekonomisë, imigracionit dhe krizës së kostos së jetesës.
Pothuajse një e treta e britanikëve të anketuar në sondazh presin që lideri i Partisë Laburiste të mbetet në detyrë për një vit tjetër, me më shumë se dy të tretat (68%) që thonë se ai po bën “keq”, pas vetëm gjashtë muajsh në postin e Kryeministrit.
Ky sondazh shokues vjen ndërsa spekulimet mbi të ardhmen e Sir Keir Starmer po rriten në Westminster pas një fillimi të dobët të mandatin të tij si Kryeministër.
Që pas fitores masive të Partisë Laburiste në korrik të vitit të kaluar, partia është përballur me një sërë gabimesh, përfshirë përplasje për ndryshimet në lehtësirat tatimore për trashëgiminë e fermerëve, një sulm tatimor ndaj tarifave të shkollave private dhe dhuratat nga donatorët dhe lobistët.
Natën e kaluar, një deputet laburist tha: “Nëse ky sondazh nuk ngre shqetësime, atëherë ne vërtet jemi të humbur.”
Sondazhi ekskluziv i Deltapoll zbulon se 69% mendojnë se vendi po shkon në drejtimin e gabuar, me krizën e kostos së jetesës që kryeson listën e shqetësimeve.
Rreth 33% thanë se janë veçanërisht të shqetësuar për ekonominë, ndërsa 14% thanë se janë të shqetësuar për pasojat e tatimeve të larta për ta dhe familjet e tyre.
Marrë nga Daily Mail
