Presidenti i Shteteve të Bashkuara të Amerikës, Donald Trump i është kundërpërgjigjur ashpër guvernatorit të Kalifornisë dhe kryetares së bashkisë së Los Angelesit, Gavin Neësom dhe Karen Bass, pasi ky i fundit kundërshtoi vendimin e administratës së Trump për dërgimin e Gardës së Republikës në Kaliforni pas trazirave në vend.
Me një postim në rrjete sociale, Trump e konsideron vendimin e tij për të dërguar Gardën e Republikës për të ulur tensionet e protestave në Kaliforni, si një vendim të shkëlqyer teksa shtoi se “Nëse nuk do ta kishim bërë këtë, Los Anxhelosi do të ishte shkatërruar plotësisht”.
Më pas Trump iu kundërpërgjigj Gavin Neësom duke e cilësuar si krejtësisht të paaftë, të cilët në vend që të falenderonin presidentin Trump, zgjodhën të gënjenin popullin e Kalifornisë “duke thënë se ne nuk ishim të nevojshëm dhe se këto ishin ‘protesta paqësore’”.
“Ne morëm një vendim të shkëlqyer për të dërguar Gardën Kombëtare për t’u marrë me trazirat e dhunshme dhe të nxitura në Kaliforni. Nëse nuk do ta kishim bërë këtë, Los Anxhelosi do të ishte shkatërruar plotësisht.
‘Guvernatori’ Gavin Newsom dhe ‘Kryetarja’ Karen Bass, krejtësisht të paaftë, duhet të thoshin: ‘FALEMINDERIT, PRESIDENT TRUMP, JE I SHKËLQYER. PA JU NE JEMI ASGJË, ZOTËRI.” Në vend të kësaj, ata zgjodhën t’i gënjenin njerëzit e Kalifornisë dhe Amerikës, duke thënë se ne nuk ishim të nevojshëm dhe se këto ishin ‘protesta paqësore’. Një vështrim i vetëm në fotot dhe videot e dhunës dhe shkatërrimit është i mjaftueshëm për të kuptuar. Ne gjithmonë do të bëjmë çfarëdo që është e nevojshme për t’i mbajtur qytetarët tanë të sigurt, në mënyrë që, së bashku, ta BËJMË AMERIKËN PËRSËRI MADHËSHTORE!”, shkroi Donald Trump.
Marrë nga Associated Press
