Komisioni Rregullator i KQZ diskutoi sot mbi modalitetet e numërimit të votës së diasporës në zgjedhjet e 2025.
Kryekomisioneri i KQZ, Ilirjan Celibashi ka propozuar që numërimi i votës së emigrantëve mos të bëhet nga përfaqësues të partive politike, por nga persona të caktuar nga Komisioni Qendror i Zgjedhjeve.
Sipas propozimit të KQZ, partitë mund të kenë vetëm vëzhgues dhe këta vëzhgues kanë të drejtë vetëm 1 herë të përjashtojnë numëruesit e KQZ.
Komisioni rregullator nuk mori një vendim dhe e shtyu atë për 5 ditë, ndërsa pritet edhe mendimi i partive politike.
