Presidenti i Ukrainës, Volodymyr Zelensky, ka bërë një kërkesë ndaj Bashkimit Europian, duke kërkuar ndihëmn e 5 miliardë euro për furnizimin e Ukrainës me municione, veçanërisht për “raundet e artilerisë”.
Deklaratën ai e ka bërë gjatë një fjalimi në Këshillin Evropian, ku ai theksoi urgjencën e situatës dhe nevojën për mbështetje të menjëhershme, duke kërkuar që investimet evropiane në industrinë e prodhimit të armëve të rriten.
“Ne kemi nevojë për fonde për predha artilerie dhe do të vlerësonim vërtet mbështetjen e Evropës me të paktën 5 miliardë euro sa më shpejt të jetë e mundur. Investimet në prodhimin e armëve nevojiten si në Ukrainë ashtu edhe në vendet tuaja. Evropa ka nevojë për pavarësi teknologjike, duke përfshirë prodhimin e armëve. Gjithçka e nevojshme për të mbrojtur kontinentin duhet të prodhohet këtu në Evropë. Ne duhet të punojmë drejt kësaj së bashku. Unë i vlerësoj ata që tashmë po ndërmarrin hapa konkretë në këtë drejtim”, është shprehur ai.
Marrë nga News
