Dita e Ujit të Bekuar kremtohet këtë 6 Janar nga besimtarët ortodoksë në të gjithë vendin.
Në Katedralen “Ngjallja e Krishtit” në kryeqytet dhe në të gjitha kishat e tjera ortodokse ka nisur që në mëngjes herët mesha për besimtarët.
Më pas, celebrimi vijon me hedhjen e kryqit në ujë.
Në këtë datë Gjon Pagëzori, pagëzoi Jezu Krishtin në ujërat e lumit Jordan, ndaj gjithë ujërat e botës janë të bekuara në 6 janar. Gjoni shkoi për t’u pagëzuar tek biri I Perëndisë, por Jezu Krishti bëri të kundërtën u pagëzua nga Gjon Pagëzori duke e miratuar këtë proces mirëbërës. Thuhet se ujërat e lumit Jordan në këtë ditë kthehen mbrapsht.
