Këshilli i Ministrave ka miratuar dy vendime të cilat lidhem me menaxhimin e pronave shtetërore. Vendimet u propozuar nga Ministri i Ekonomisë dhe Inovacionit duke i hapur rrugën projektit për Kompleksin e Ri Governativ te Bulevardi i Ri, gjithashtu edhe për zgjerimin e portofolit të pronave në kuadër të projektit “Copëzat”.
Qeveria miratoi kalimin në pronësi të Korporatës së Investimeve Shqiptare një sipërfawe prej 2.431 m²m pjesë e pasurisë nr8/737 në Zonë Kadastrale 8340 te Bulevardi i Ri.
Sipërfaqja i hiqet pronave të Basshkisë së Tiranës dhe i kalon korporatës për zbatimin e projektit “Kompleksi Governative, Bulevardi i Ri, Tiranë”.
Projekti parashikon ndërtimin e ambienteve të reja për institucionet qendrore, Akomodimin e shoqërisë “Hekurudha Shqiptare” sha.a dhe zhvillimin e stacionit të ri hekurudhor të kryeqytetit.
Korporata Shqiptare e Investimeve autorizohet si zhvillues i plotë i zonës duke përfshirë edhe të drejtën për të prishur objektet ekzistuese dhe të negocioje me subjektet publike dhe private.
Shpenzimet për këtë projekt do të mbulohen nga projekti “Copëzat” dhe nënprojekte të tjera të Korporatës.
Zgjerimi i projektit “Copëzat”, mbi 11 institucionet do të detyrohen të lirojnë pronat.
Vendimi i parë ndryshon VKM-në nr. 328 të vitit 2024 dhe shton prona të reja në projektin “Për zhvillimin dhe menaxhimin e pronave shtetërore”.
Akti detyron një listë të gjatë institucionesh publike, ndër të tjera Avokaturën e Shtetit, Agjencinë për Mbështetjen e Shoqërisë Civile, Qendrën e Botimeve për Diasporën, Shërbimin Gjeologjik Shqiptar, Entin Rregullator të Energjisë (ERE), Albgaz sh.a., që brenda 30 ditëve të lidhin marrëveshje bashkëpunimi me KSHI-në.
Marrëveshjet do të përcaktojnë mënyrën e dorëzimit të pronave dhe garantimin e ambienteve të përkohshme të punës për institucionet gjatë fazës së ndërtimit.
Gjithashtu, KSHI dhe Agjencia e Zhvillimit të Territorit (AZHT) autorizohen të rishikojnë marrëveshjen mes tyre, në mënyrë që Korporata të mbulojë edhe kostot e përshtatjes së zyrave të reja për AZHT-në.
Të dy vendimet hyjnë në fuqi menjëherë pas botimit në Fletoren Zyrtare. Për zbatimin janë ngarkuar Ministria e Ekonomisë dhe Inovacionit, Ministria e Infrastrukturës dhe Energjisë, Ministria e Financave, Agjencia Shtetërore e Kadastrës dhe vetë Korporata e Investimeve Shqiptare.
Marrë nga Newsbomb.al
