Drejtoria e Përgjithshme e Tatimeve thotë se ka zbuluar një skemë evazioni fiskal, pas një kontrolli të specializuar që Hetimi Tatimor ka zhvilluar në një restorant pranë “Rrugës së Elbasanit”. Bëhet fjalë për 585,000 euro të padeklaruara gjatë më shumë se një viti.
Newsbomb.al mëson ekskluzivisht se bëhet fjalë për restorantin “fOlium Tirana”, i themeluar dy vite më parë nga Enea dhe Eraldo Selmani, dhe i njohur veçanërisht në internet si shumë i frekuentuar nga të rinjtë.
“585,000 EURO të padeklaruara, gjatë më shumë se një viti, janë zbuluar nga Administrata Tatimore, përmes një kontrolli të specializuar nga Hetimi Tatimor, në një subjekt tatimpagues në Tiranë”, njoftojnë Tatimet, ndërsa theksojnë se hetimi u vu në lëvizje falë një denoncimi qytetar.
Rasti është vlerësuar me seriozitet dhe Drejtoria e Përgjithshme e Tatimeve thotë se inspektorët gjatë kontrollit skemën e evazionit fiskal.
Sektori i Analizës ka administruar ankesën e mbërritur në llogarinë e institucionit, duke analizuar historikun e pagesave dhe deklarimeve, nga të cilat ka rezultuar një mospërputhje e madhe mes veprimtarisë reale dhe detyrimeve të deklaruara, raporton newsbomb.al.
Kur Hetimi Tatimor ka shkuar në ambientet e restorantit “fOlium Tirana”, ka konstatuar, siç thotë, një sërë shkeljes, si: Mall pa faturë tatimore, moslëshim autofature, moslëshim fature për klientët dhe 5 punonjës të pasiguruar.
Menjëherë, subjektit i është sekuestruar dhe pajisja kompjuterike dhe aty janë zbuluar rreth 600 milionë lekë të padeklaruara, të kryera përmes shkeljeve të konstatuara më sipër, për më shumë se një vit.
Marrë nga Newsbomb.al
