Grupet e mirëqenies së kafshëve në ishullin grek të Sirosit po ofrojnë akomodim, shërbime dhe mëngjes falas për vullnetarët që ndihmojnë në kujdesin e popullatës së madhe të maceve endacake në ishull, sipas “Time Out”.
I menaxhuar nga “Syros Cats”, programi kërkon angazhimin e vullnetarëve për disa javë duke ushqyer, pastruar dhe u kujdesur për macet në këmbim të një akomodimi, shpesh me pamje nga deti.
Misioni i organizatës është të menaxhojë trajtimin e rreth 3 000 maceve endacake në ishull – përmes TNR (sterilizimit human), të monitorojë shëndetin e tyre dhe të ofrojë kujdes veterinar kur është e nevojshme.
Organizata “Syros Cats”, e cila ka qenë në funksion që nga vitet 1990 dhe konsiderohet si një pioniere e lëvizjes për mirëqenien e kafshëve në ishull, po kërkon njerëz të aftë, të shëndetshëm dhe të pavarur për të ndihmuar në trajtimin e maceve.
Ndërsa e gjithë kjo tingëllon si një mënyrë e bukur për të kaluar disa javë në ishull, puna e “Syros Cats” është thelbësore për identitetin e këtij ishulli.
“Ne duam t’i tregojmë botës se kafshët kanë rëndësi”, tha Richard Bowell, bashkëthemelues i “God’s Little People Cat Rescue”.
Marrë nga Greek Reporter
