Katastrofa në Bosnje, kërkohet ende për viktima

Përditësimi i fundit: 7 Tetor, 2024 7:11 am

95 Shikime

1 Min. Leximi

Në Bosnje-Hercegovinë vazhdojnë kërkimet për viktima të mundshme nga përmbytjet e dy ditëve të fundit

Kryepeshkopi i dioqezës së kryeqytetit boshnjak të Vrhbosna, Tomo Vuksic, kujtoi viktimat e përmbytjeve në Bosnje dhe Hercegovinë.

“Tragjedia e madhe” që goditi shtetin ballkanik para fundjavës dhe kushtoi të paktën 18 jetë, shkaktoi edhe dëme të mëdha, tha kleriku katolik, përcjell “Radio Sarajevo”. Vuksic shprehu “solidaritetin e tij të thellë dhe vëllazëror” me viktimat dhe njoftoi mbështetjen nga kisha.

Në Bosnje-Hercegovinë vazhdojnë kërkimet për viktima të mundshme nga përmbytjet dy ditët e fundit. Fshati malor Jabllanicë, rreth 30 kilometra në veri të qytetit të Mostarit është më i godituri.

Shiu i dendur dhe stuhitë shkaktuan dëme, dherat varrosën shtëpitë nën vete. Gurët që dëmtuan mendohet se kanë ardhur nga një gurore sipër.

Pamjet treguan se si vetëm minarja e një xhamie dilte jashtë ujit. Ndërkohë, autoritetet korrigjuan numrin e përgjithshëm të viktimave nga origjinali 18 në 16. Disa raste janë regjistruar gabimisht disa herë, tha Nermin Nikshiq, kreu i qeverisë së Bosnje-Hercegovinës.

Stuhi të forta dhe reshje të dendura përmbytën disa qytete boshnjake duke shkaktuar rrëshqitje dheu. Disa lumenj dolën nga shtrati duke përmbytur rrugët dhe duke shkatërruar zonat e banuara.