Nga Eduard Zaloshnja
Refreni i zakonshëm për pjesëmarrjen e ulët në zgjedhjet shqiptare u këndua edhe kësaj here. “Më pak se gjysma e shqiptarëve votojnë”, “Vlora skandal për pjesëmarrjen”, “Gjirokastra po ashtu” – këto janë disa nga frazat që qarkullojnë ngado në këto ditë të nxehta zgjedhjesh…
Por harrohet se qysh prej vitit 1991, gradualisht, pothuaj gjysma e elektoratit shqiptar është zhvendosur në emigracion. Vetëm 52% e shtetasve në moshë për votim banojnë sot në Shqipëri. Dhe nuk mund të pritet që në këto kushte, të kemi pjesmarrje 60%!
Votimi me postë i 195 mijë emigrantëve kësaj here është një hap i mirë drejt zbutjes së problemit të pjesëmarrjes së emigrantëve në zgjedhje, por është një hap i vogël. Sepse plot 1.6 milionë shtetas në emigracion nuk e dërguan votën e tyre me postë, edhe pse shteti shqiptar ua mbulonte të gjitha shpenzimet e postës…
Marrë na Shqiptarja.com
