Një zgjerim i mundshëm i numrit të pjesëmarrësve për Kupën e Botës 2030 nuk i pëlqen të gjithëve.
Gjatë fjalës së tij në kongresin e UEFA-s, presidenti i organit evropian Aleksander Ceferin, u deklarua kundër projektit të një Botërori 2030 me 64 ekipe .
“Ky propozim ndoshta më befasoi edhe më shumë se ju. (…) Mendoj se është një ide e keqe. Nuk është një ide e mirë për vetë Kupën e Botës dhe nuk është një ide e mirë as për kualifikimet tona.
Kështu që unë nuk e mbështes këtë ide. Nuk e di nga vjen, por është e çuditshme që ne nuk dinim asgjë për të përpara këtij propozimi të shpallur këtë të enjte në Këshillin e liderit të FIFA-s.
Si kujtim, një zgjerim nga 32 në 48 ekipe, është planifikuar tashmë për Kupën e ardhshme Botërore të organizuar në Kanada, Shtetet e Bashkuara dhe Meksikë në vitin 2026.
Për sa i përket edicionit të njëqindvjetorit të vitit 2030, i cili duhet të mbahet në gjashtë vende (Marok, Spanjë, Portugali, Paraguaj, Uruguaji dhe Argjentinë), presidenti i Uruguajit, Ignaciano, në fillim të marsit hodhi idenë, “për 64 ekipe për të festuar njëqindvjetorin e Kupës së Botës”.
Marrë nga Dosja.al
